شعرلکی از کرم دوستی
شعرلکی از کرم دوستی شاعر کوهدشتی
کَس چوی ایلِ قِلمِم خارَتبی و تَنیا نییه
کَس چوی ایلِ قِلمِم خارَتبی و تَنیا نییه
کَس هونه دِلمِردی و بیکس و دلسِزیا نییه
شالهرو بی وَلگ و واشِ خطِ چاره سِزیام
دی کَسی پاساوِنِ ای باخِ ایرچوقیا نییه
آیلِ بیدا هَمتهزارِ دنگِ گَرمیکَ، ولی
لاوهلاوه پا هَلورکی، ژنِ مال هومسا نییه
زاره مارِن ئهر زمین، کُلپیچِک و پیر وَ یَکا
مگر اِی وِلاتِ ایمه رَسمِ کاسِمسا نییه
پا وِلَکَت، لَش خمارِ نیمَروخواوه، ولی
جَرِّ گرما مَشرقون و ساخَسِ کولا نییه
ئهر کمینم هوسیانه، مار و مارگِر چوی اجل
آگرِ طور ها دَرینِم، داوِلِ موسا نییه
اَتِرَشکِم چِی، ئهژ ای کِشماتِ شوگاره، اَرّا
دنگِ سازِ کلهشیرِ لالِ نوکبِرّیا نییه
اَ شقایقِ شهیدِ پَلّپَلّا کِریا، منم
ولی ئهر دورِ مزارم آه و واویلا نییه
ئهر مِنی بخته مَکِی، ارّاچه مولَقه مَپای
بالِنه تیر هْواردیِ کُشیا گِ ئهر هاوا نییه
«کرم» ئهر آگِرِ حالِم گِستِت اسری بِرشِنی
خلوت و بیکِشتِر ئهژ کَلکهخِراوه جا نییه
کرم دوستی
معنی واژگان: هونه: اینگونه، شالهرو:غارت شده، وَلگ و واشِ: برگ و بار، ایرچوقیا: ویران شده، هَمتهزار:منتظر، هَلورکی: گهواره، کُلپیچِک: بچه قنداقه، کاسِمسا: کاسه همسایه، وِلَکَت:خسته و کوفته، لَش: جسم، نیمَروخواو:خواب نیمروزی، جَرِّ گرما: شدت گرما، ساخَسِ کولا:سایهی دلنشین آلاچیق، هوسیانه:ایستادهاند، داوِلِ:قیافه،اَتِرَشکِ:زَهره/جرئت، کِشماتِ:سکوت، کلهشیر:خروس، پَلّپَلّا کِریا:پرپر شده، مولَق:آسمان، بالِنه:پرنده، گِستِت: خواستی، بِرشِنی:بریزی، کَلکهخِراوه: بیغوله/خرابه.
منبع : هفته نامه سیمره
امین آزادبخت Amin Azadbakhti